Monday, August 15, 2011

Babalik ako para sabihing 'Ayoko na!'





"Sapagkat kamatayan ang kabayaran ng kasalanan"
-Roman 6: 23

Ang kasalanan ko lang ay ang mahalin ka...
Ngayon, hindi ko man nais, ngunit kamatayan ang kabayaran nito. Patay na ang alab,ang init, ang baga ng pintig ng puso;     My Freinds use medicinal gadgets, but still it is with no response, the bloody heart function is not working. Ngayon, ipagluksa mo ang pagyao ng inalay na pag-ibig, buong lumbay mong itangis.
Kabaong ng namatay ang nasa ating harap, at mula sa salamin na iyan, makikita mong nakahimlay ang pag-ibig; maluha-luha ko pang titingnan ang bangkay na iyan, na hindi mo napapansin, may make-up din pala ang patay na pag-ibig na nakahimlay. Dinala iyan sa punerarya, pinaliguan muna ng imbalsamador, pinasakan ng tubo sa katawan nang masaid muna ang dugo, tinanggalan ng laman-loob, nilagyan ng formalin, at muling binihisan ng damit na babaunin ng patay  na pag-ibig sa kanyang huling hantungan -ang lupa.

...ang kasalanan ko lang ay ang mahalin ka;
ngayong kamatayan nga ang kabayaran ng kasalanan, wala akong ibang sisisihin kundi ang sarili, pagkat wala akong pinagsisisihan nang sa iyo ko naibaling ang pag-ibig na ito. Patawarin nawa ako ng sarili ko...

Malalim na ang hukay ng lupa, mabilis maghukay ang inupahang tagapagpala. A, ang huling hantungan: lupa. sabi, ang nanggaling sa lupa ay magbabalik sa lupa, gaya ng mga tuyot na dahon; gaya ng mga alon, gaya ng mga nilalang na umusbong sa lupa na nahihimlay muli sa lupa.
Ikaw! Ikaw na siyang dahilan kung bakit naging kabayaran ng aking kasalanan ay kamatayan, pagmasdan mo ang dahandahang pagbababa sa hukay ng kabaong ng aking pag-ibig. Pagmasdan maging ang pagtatabon ng lupa.



"Rest in Peace" -ang mababasa sa lapida.
Ang aking Pag-ibig
(Born: nang umibig sa'yo;     
Died: nang tinanggihan mo)
basahin mo ang elehiyang inukit ng mga patak ng kandila. Nakasulat sa semento ang ganito:



"Here lie I, Ang Aking Pag-big from Q.C,
Promising: I will come back
to say that ' I'm through
with love"





...At nang bumuhos ang ulan, sabi sa ulat ng PAG-ASA: signal no. 2 sa Kamaynilaan dahil sa bagyong Juaning na pumasok sa area of responsibility ng Pilipinas kamakailan lang, ang takbo ay pahilagang kanluran ng Rehiyon V.
Oh! tubig na ragasa, anurin mo ang pait, o lunurin kaya ang hapdi o ang kirot ay isama mo sa muling panunumbalik sa kaulapan: as the evaporation process takes place by the help of sun’s heat. But don’t let the continuation of the process turn back this sorrow as the rain comes down again and again.

Pero hindi lohikal ang ganoong epekto. Ang sugat sa balat, kapag gumaling, nag-iiwan ng marka, ng balat… na sa tuwing makikita ito ay magbabalik ang alaala, ang dahilan ng sugat! Iyon ang masaklap, iyon ang mahirap!

Though, Vicky Belo’s medical group expertise about skin abnormalities such: scratches, marks, skin clots, birth marks etcetera.
Oh, Vicky Belo na nagpakasal sa isang Doktor na itago natin sa pangalang Hiden ay hindi natin itatago ang peklat sa kanyang nakaraan, o tinatawag na ‘Dance of fire while the song Careless Whisper plays a rhythm of their body –now,may you touches my skin.

E, ang kasalanan ko lang naman ay ang mahalin ka;
     Ganunpaman, ang kabayaran ng kasalanan ay kamatayan –Roman 6:23
Sa napipintong hatol , naroon ang inalay na pag-ibig, nagmumunimuni. Ito na ang huling araw ng kanyang abang buhay. Kung paano mamamatay, ito ang katanungan. Paano ba isasakatuparan ang kamatayan?
 Sintensyang natural: nagkasakit ang pag-ibig, inapoy ng lagnat, kinumbulsyon, dumura ng dugo at doon mamamatay; maaaring habang tumatawid sa pedestrian lane, may humahagibis na truck na nawalan ng preno –nahagip ang pag-ibig, tumilapon sa kalsada, bumaha ng dugo at doon na papanawan ng ulirat, ng buhay; A, huwag naman sanang maging mas malala ang mangyayari: Pisat, durog, lasog-lasog ang duguang pag-ibig –ang ten wheeler truck mabilis na nakatakas. A, sabi ng mga pulis, “ Hit ang Run”.
Matapos nito, sinuway ng ambulansya ang kautusan na bawal na ang wangwang sa kalsada. Sinuway ito, para lamang maisalba pa; But the beats of his heart is at critical condition. No, Doctor said, Sorry! The patient’s case is dead on arrival.
     Kalunos-lunos. Bakit hindi na lang payapang pagkamatay: naglatag ng higaan –yung kutson: malambot, mabango at masarap higaan; may unan pa –magic pillow, hotdog pillow, cotton like pillow o kung ano mang katawagan sa uri ng mga unan.
Pumikit ang Pag-ibig, natulog… nang mahimbing. Sumapit ang kadiliman ng buwan at sumikat ang araw –hindi na nagising. Tuluyan nang natulog ang Pag-ibig na hindi na kailanman didilat

A, nagising bigla sa pagmumunimuni. 
Naisip na, naging mapagpatawad ang Diyos,hindi lang pitong beses kundi pitumpu’t pitong beses pa at hangga’t  ang nagkakasala ay inaamin ang kanyang pagkakamali at sa huli’y humingi ng kapatawaran, nagsisi at nangakong hindi na muling uulit –A, walang dahilan para hindi ka patawarin sa iyong pagkakasala.

Umamin na akong nagkamali ako, pero hindi ko pinagsisisihan iyon. Humingi ako ng kapatawaran. At nangangako,
”Promise, babalik ako para sabihing ‘ayoko na!’”



Thursday, August 4, 2011

“Pennykulang Pilipino”








Nena… Nena… gumising ka!
Tapos na ang palabas
Lumabas na ng sinehan ang lahat


Humarap tayo sa katotohanan
na sa likod ng pinilakang tabing
may sistemang nagdidikta
sa pelikulang Pilipino.
Malayung-malayo na tayo
sa mga madulaing sarswela
Wala ng mga sumasayaw
ng pandanggo sa ilaw
nakasuot ng baro’t saya
at may panyong pula.
A, salamat sa ating makanluraning pundasyon
na lubhang kapitalista at anti-Pilipino
na hindi nagtatalakay ng pambansang sitwasyon
Walang pagtaas sa antas
ng pulitikal at kultural na kaalaman
Anong Pambansang pagkakakilanlan?
Walang sariling katauhan

Nena… Nena… gumising ka!
Tapos na ang palabas
Lumabas na ng sinehan ang lahat
Silang tulad mong bumili 
ng pagkamahal-mahal na tiket
silang nagbayad
para lang tumakas saglit sa realidad
silang lumimot saglit sa magulong buhay
habang sa malaking kahon nakatunghay
A, silang sa pambubulag dinala
Nabusog ang mata sa Pelikulang basura

Nena… Nena… gumising ka!
Huwag ka nang managinip
Mas makulay ang pelikulang ilusyon
Pangarap mo ang itinutunghay ng malaking kahon
Halika’t sabay kayong lumuha ni Nora Aunor
o makipaglaban gamit ang espada
ni Ramon Bong Revilla Jr.
o pasakitin ang tiyan sa katatawa
o painitin ang puson sa digmaang pangkama
muling ginilingan ng kamera sina Sharon Cuneta,
Dolphy, Vic Sotto, Dingdong Dantes at Marian Rivera,
o silang nagpapaluwal ng mas mabilis na kita
A, monopolisasyon sa indutriya
Viva! Kontratang Regal, Star-studio, GMA films etchetera
Viva! Booking System ng mga nagsisipagyamang artista
Viva! Kolonyalismo at tatak kapitalista, Viva!

E, paano sina Lino Brocka?
Ishmael Bernal, Eddie Romero, Mike de leon at Marilou Diaz Abaya?
o ang mga susunod pa sa kanila
Na silang makapagsisimula
ng malawakang pagbabago
Sila! Sila dapat ang pinanonood mo Nena!
Nena… gumising ka!
Tapos na ang palabas
ng may bahid ng kolonyalismo’t kapitalismo
Umiikot na ang rolyo
ng tunay na Pelikulang Pilipino

Si nena ay mayroong JUNKSHOP sa Diliman, sa Q.C
Sabi pa, kiumikita si Nena sa mga Basura,
kaya mahal na mahal niya ang mga basura
Nena… gumising ka!
Humarap sa katotohanan
at kumilos para sa pagbabago!

-080311 

kulay sa ating panulat



Tama na ang luhang pumapatak
katambal ang ulan sa pagtangis
wala nang pagpinid sa haba
walang hinto, walang panuto
hanggang maulit muli ang siklo
hanggang masaid ang pagtulo
...ng plumang nagdurugo

kung payak lang na dura
umaapaw man na salita
kung sinilang lang ng dila
ay wala paring naipunla
walis na winawasiwas ang tingting-kapal
walang nadampot... puros paghingal
umaatungal ng pabulong
walang punyal
...ang tintang hangal

kung batis ng puso
pulot ang luha sa galak at samyo
lantay na pag-ibig
busilak na himig
at ilang mga dakilang pag-awit
tapat na paghimig
...ang makatang panitik

Kung may baga, naglalagablab
bawat titik ay may apoy, may alab
tutupok sa katawan ng mga salabusab
lumilikha ng bitag, matatag
handang pumatay, handang bumuhay
nagpapakilos, nagpapalaya
...ang pulang tinta

Ito'y kulay ng ating panulat
mula bughaw na tinta
sa papel ng lipunan
nakasulat sa puso
ng mga mayayaman
elitista, burgesya,
mga boss ng multi-bilyong korporasyon
mga hindi  nagpapasweldo
kapre sa palasyo, senatong, tonggreso
at iba pang swapang, abusado at berdugo
mga may dugong-bughaw
na nagkakalat, nagpapakalat ng tintang itim
sa kabayanan ng karimlan
sa kagubatan ng dilim
Itim na bukas sa mga naggagapas
itim na lunas sa mga buhay na mauutas
itim na awas sa mga gutom na obrero
itim na agas sa ilog ng panangis
na dumadaloy sa puso ng mga nagdarahop
itim na nagpatiim-bagang,
masidhing nagpakuyom ng palad
at nagpaalab sa dumadaloy na pulang dugo
ng masang sa galit ay punong-puno
tintang pula sa oda ng mga punglo
tintang pula sa hanay ng mga nakataas-kamao
tintang pula ng mga rebolusyunaryo
tungo sa pag-iibang kulay ng sistematikong kabulukan ng lipunan
ang tintang pula sa himno ng pagbabago
patungo sa iisang yugto

kalayaan ang kulay ng dugo
-080209

Monday, August 1, 2011

UN-NECK-DOTA


Pasensya na...
medyo nag-eemote lang ever
sa pag fly-fly may mga etchings etchings
kung dehins Carino brutal ang effectiveness-
Devastated naman ang heartache
Trying hard... crumacryola

Mas malayong binuview ang future
beyond unfortunates kong past... at destructions
pang turtore-kwek kwek na japeyk
Dios Mil, piratang DVD's at pills:
Mas malabong magpasaksak o magpamasaker
Ampatuad de ladlad at parti-less...
nagpapaturok sa patag na dibdib
MaLuz Baldes lang 'tong des honares.
...doble Kara ('y Crus) pang effect
sa mamihan at pares pares

pasensya na...
medyo mag-iispyuk ang bandirittas
i-ban daw ang tita mo sa kader-der na politiks
so chaka daw kasi kapag kaming maglutas
sa unsolvebables na poorest nationg may tigdas...
paano ihiheal ang illinoisiest cities
-like pinas?

pasensya na...
We’re not macho papa's tulad ni R'meo
tipong sumasayaw ng low-low-low
Tirintas ang kilay at nakashaging eyebrow
ngunit nagpapatuloy...
ang dugong Bayani sa mga nerves nagfoflow
...though

Birdugo ng pangarap,
Siento por sientong waley pang clap-clap...
from alapaap-
Heaven to earth ang paglagapak
waley mang pakpak...
But we swear, pang oath na itich
pagkat magandang bukas ang ikoCrosstich
Promise!

Cause we can make-over, for Free!
...necessarily,
At trulalong di puro drawings

...Trust me!
-020910