ALIPUNGA

Alipunga

Sa maghapong babad sa basa
noon'y palakad-lakad ka sa baha
sa isip mo, ito'y bagay na kalagayan ng dukha
nasanay ka, hanggang sa magka-alipunga
masakit, mahapdi, nakakairita...
Alipin nga ng pangangati
itong mga paang kinapitan ng alipunga ...
hindi maiwasang kamutin
kamay man ay sawayin,
A, mahirap labanan ang damdamin
ng isang maralita
gaya ng pagpigil sa pagkahumaling
o pag-angkin na bunga ng anumang pagkasakim
Oo, at sa bawat pagkamot
makadarama ka ng ginhawa
hanggang sa ang minsang pagkamot, uulit-ulitin,
kakainin ka ng sistema ng paulit-ulit na pagkamot
hanggang sa makalimot ka na
hanggang sa magdugo at matungkab ang balat,
hanggang sa magkasugat-sugat
hanggang sa magnaknak

himaymay ng laman ng iyong balat,
hanggang sa hindi ka na makalakad dahil sa alipunga
masakit, mahapdi, nakakairita...
kaya't, mananatili ka sa malambot mong kama
kakalimutan ang maghapong paglalakad sa basa
Oo, at di ka na sanay sa kung ano ang baha
binulid ka ng alipungang ikaw din ang gumawa

Ngayon, uubusin mo ang oras sa pagpapagamot
bibili ka ng mamahaling pampahid
kahit alam mong wala na itong bisa
dahil hinahanap-hanap mo parin 

ginhawa ng pagkamot sa paa
Alipin ka na ng iyong pangangati
at gaya ng maraming alipin,
maghahanap ka ng lunas...
ngunit wala kang balak gumaling. 

Kung Paano Hinuhubog ang mga Tanga

Kung Paano Hinuhubog ang mga Tanga

Una, maging ignorante
nang maging masaya
sa kung ano mang mga bagay
na alam ng ating kaignorantihan
Ikalawa, Makinig sa dapat daw malaman
nang manatili tayong walang alam
A, masaya nga namang makinig
ng magagandang bagay
na ayon sa ating kaisipang sosyal
halimbawa, sasabihing marami nang nagbago
sa paraang tatango-tango lang tayo
na kahit ang totoo
hindi mo naman naramdaman
... dahil lang nais ng masa ang pagbabago.
Sasabihin satin
malayo na ang ating narating
sa paraang hindi mo iisipin
na ito'y paglalakbay lang sa hangin
ng ating imahinasyon, ng pananaginip
o ng pangangarap natin
... dahil sanay tayong mangarap.
Sa paraang hindi natin maiisip
na kung mahirap ka
wala kang karapatang mangarap
at ang may pera lang naman
ang talagang may nararating.
Ikatlo, dapat laging umasa
nang may pakinabang
mga pinaghirapan nilang salita
dahil para sa atin
kanilang retorika, pananalinghaga at pagtula
Ikaapat, huwag nang kumilos o kumibo
maliban sa pagpalakpak o pagtango-tango
isipin lang nating tayo ang boss
at ating mga alagad (kuno)
ang hayaan nang kumilos
sa paraang alam natin na tayo ang nag-uutos
Kahit hindi natin alam
kung ano ang nasa likod
ng kanilang mga ikinikilos
Ikalama, ganoon naman talaga
ang gawain ng isang boss
ang mahubog bilang ganap
na TANGA.

Snow White:

Banta iyon ng Kamatayan.
Isang mapulang mansanas
na alok ng aleng tampalasan
Batid mong ito'y patibong.
Hindi ikaw ang dapat maghirap
Hindi ka dapat sumuong sa pagkagat
sa kamandag ng aming sugat
malinis ka, dalisay, walang bahid -
sukat ng kapintasan,
ngunit ang iyong kamatayan
ay pagtangis ng mga naiwanan
ayon sa naitala, hindi lamang hinala:
ito ang kalooban ng lumikha

Nang magkaroon ng buhay
ang inakala nilang nawala!!

"Walang maniniwala"

Sa muling pagkabuhay
ng mga patay
mahihintatakot, maninilukluhod mga buhay
luluhod at mananangis ng kagimbal-gimbal
"Nagsa-demonyo, dios por santo!
Ito'y mahika ng mga maligno!"
sasabihin nila,
Kahangalan," at hahalakhak sila
at dudura sa lupa,
"Paanong mabubuhay mga patay?"
Malaking kahangalan,
Walang maniniwala isa man, ni isa man!!

"Sa Esmirna"

"Sa Esmirna"

Ito ang simula at wakas:
bilang na ang hakbang ng bawat bakas
makalalaya, bawat tanikala'y makakalas
Pagkat babangon ang mga namatay
at magdiriwang ng bagong undas!

Ito ang ipinasasabi ng ugong,
"batid ko ang paghihirap mo
ngunit wala pa ang pasimula
ng kahindik-hindik na delubyo"
ito ang mga nakasulat sa tala
"wala pang pagngangalit
ng mga ngipin sa ngipin,
wala pang pagtatangis ng dugo,
wala pang pagbaha ng poot,
at alulong ng takot"
Huwag kang matakot!
Ka-gamunggo pa lamang ang danas ng pighati
magtiis ka! sa loob ng ilang araw
sanlibutang ito'y mahahati
sa buhay at kamatayan!

Anong iniiyak mo?!
sentimiento ng makasariling agam-agam?
Hindi mo pa nga alam,
lahat ng iniingatan mong bagay,
bagay-bagay, o pakikibagay,
ibabaon iyan -lahat-lahat- sa hukay!
Para saan ang pag-iyak?
Hindi usapin ang ginto at pilak
o yamang mabango ang halimuyak
tatapaktapakan lamang 'yan
ng mga baboy ramong may sungay,
diablo at dragong maghahari - sa ibabaw ng lupa
sa himpapawid at karagatan

Ito ang ipinasasabi ng ugong
"Para sa lahat!!
Malapit na ang pagbangon ng mga patay!"

Ulan sa Kapanahunan

Sa pagbuhos ng ulan
papatak sa bubong
at dadaloy sa alulod
mapupuno ang timbang nakasahod
aapaw ito, aapaw nang aapaw
hanggang sa umabot sa tuhod
sa baywang, sa dibdib,
at lalampas sa bakod
hanggang abutan ka ng pagkalunod
nitong buhos ng ulan sa kapanahunan
papatak sa tigang na lupa
tuyot na uhay ng palay
,uhaw na pananim ay madidiligan
at magdidiwang naman
silang naggagapas sa sakahan
silang nagdarasal sa pagbisita ng ulan
ay magdiriwang, magdiriwang nang magdiriwang
hanggang sa matapos
pagdidilig ng ulan
nilimas ng ragasa
ginapas nang walang awa ng baha
itong nalunod na lupang taniman

A, sa pagbuhos ng ulan
lilinisin nito maruming lansangan
basurang itataboy hanggang sa karagatan
itataboy nang itataboy
hanggang ulan ay maging karagatan
at lilinisang lahat
waring kalat mga sasakyan, ari-arian
milyong tao na aanurin sa sangangdaan

oh! ulan sa kapanahunan
magtampisaw ka't may hapdi sa balat
inumin nang lalamunan'y mamamalat
isantabi mo ay labis na ikagugulat
mabigat ang ganting-gawad
kung sa bawat pagbuhos ng ulan
tao na ang nagpapatupad.

DO NOT BE AFRAID OF A Ghost

DO NOT BE AFRAID OF A Ghost

When we interrupted
Silence of the ghost
there's our own concept
bent, crooked , curved
we now so afraid of their shadows
We believe horrible
about spectral

But, the gnomes testified this
"Brutal! more dangerous,
a harmful barbarous
the humans are!"
Demon el santo
oh what a personality?
Greedy flesh
as a vultures and crows
we kill until nothings left
the tortured body,
slashed throats
along the streets
as a Lullaby of the cannibal
a snake swallowed
a baby in its womb
consumed by the greed
all webbed in selfishness
Unsatisfied sucking the sap
oh! Honeycomb, became dry
Substance of a virgin flowers
raped and exploited
Till to arid, to disheveled
Oh! a Jewelish thoughts of a fool?
Thus, possessed by Satan
a predatory hypocrites
hiding the brilliance of silver
into their mother's skirt
Damned levels creates by impertinent
Levels operated by money
siste capitalist con Terrorist
a planned explosions
of planted bombs
in the bosom of the island pearl

Are you still afraid of ghosts?
Do not! Do not be afraid of ghosts
fear more to our fellow men
They sips blood
Liter of liter of bloods
inside the golden reservoirs
they all memorized it
-all symptoms of the drama
of those luxurious men...
fear more to our fellow men
They are great in masquerading
a veterans in disguising
oh what a colorful dress of the executioner
as scrabble of a meek sheep?
are intelligent in benediction
they calls often to their Lord
and kneeling in their holy idols.

Ah! Fear more to ourselves
Less likely to the harmless ghosts
they still in pain
excruciating,
when every time the ghost
harassed by us, of our fellow men.

PAKATAYING BABOY

PAKATAYING BABOY


Hindi ngumunguya ng pagkain ang mga baboy
ngasab lang sila nang ngasab
hanggang sa mabusog at mabundat
wala silang pakialam sa lasa o linis ng kinakain
galing man iyon sa kung saan
mga di nakaing pagkain ng mga pihikan
mga hindi napakinabangan
nilangaw man o inipis ang mga ito
mga panis na kanin sa kaldero
mga tirang ulam sa plato
inuuod man yan o nabubulok
ngasab lang sila nang ngasab
hanggang sa masiyahan at mabusog
Gugustuhin mo pa bang kumain ng baboy
o tikman man ang kanilang karne
kailan ba luminis ang ano man nilang parte?
kahit nakaduduwal sa bantot ng amoy?
na kahit paliguan mo ang pakataying baboy
magtatampisaw yan sa sariling dumi
hihigop ng kanal o ng putik o ng tae
sige lang!
kahit hindi ngumunguya ng pagkain ang mga baboy
basta ngasab lang sila nang ngasab!
hayaan nating mabundat ang kanilang tiyan
masiyahan man sila sa kaning baboy
sabi ni Juan, "darating din ang araw
at lamang tiyan din yan"

kapag oras na ng katayan
leeg ng baboy ay gigilitan
dugong sinahod sa timba
magiging masarap din na dinuguan!
lamang loob nito'y masarap na papaitan
at ang kabuuan, papasakan ng mahabang kawayan
walang tigil na papaikutin
sa ibabaw ng nagbabagang uling
ang baboy na ngasab lang nang ngasab
Letsong pagpipyestahan din natin!

-083013
ni Reymond Cuison

Kung bakit dapat nang ipagbawal ang pork?

Kung bakit dapat nang ipagbawal ang pork?
by donfelimonposerio

NAKAKAHIGH-BLOOD
MASANGSANG ANG AMOY
MAINGAY KAPAG KINAKATAY
MAKOLESTEROL
NAKAKADAGDAG BILBIL
NAIITSAPWERA YUNG GULAY AT ISDA
MAHIRAP LUTUIN
DISKRIMINASYON
MINSAN MAKUNAT
NAGKAKADAYAAN SA TIMBANG
WALANG PEACE TALK SA MINDANAO
KATIWALIAN
AMBABABOY NILA
BOTCHA
NAKAKAHIGH-BLOOD

pero kung bakit talaga kailangan nang ipagbawal ang pork?
dahil kay JANET NAPOLES

KULAY

KULAY
ni donfelimonposerio

Makulay na kabaong ang nais kong higaan
kung ngayon ay mamamatay...
nang hindi magmukhang matamlay
sa aking lamay
mahilig sa green ang bunso kong kapatid
lagyan sana ng mga lobo at keyk
paborito ng ate ko ang violet
bulaklak sana yung lavander at may lasong nakadikit
si ina? wala akong maisip na kulay para sa kanya
bulag ang aking ina
bagamat bukambibig niya,
" kulay, lagyan mo ng kulay
ang buhay mo anak ko,"
habang nabubuhay ka
habang nabubuhay tayo...
Oo, at pinilit kong umalis sa mundong madilim
iniwasan kong kumapit sa patalim
pero kahirapan ang salarin
naging madilim na kulay
itong mga araw na walang maisaing
na halos bawat araw magdildil ng asin
o kung walang wala
gutom na sikmura'y titiisin
at madilim pang bukas itong paghinto namin
sa edukasyong pangarap abutin
nang mapulang dugo ang iniubo ni ama matapos patalsikin
sa pabrikang tanging inaasahan namin
binaon ng kulay putik na kamalasan itong kapalaran
Hiling parin ni ina sakin, "Kulay,
lagyan mo ng kulay yang buhay mo anak ko,"

Paano? nandilim ang paningin ko
nang napahandusay mga katawan
duguan silang gumagapang sa batuhan
silang mga pinatalsik ng gahamang may-ari ng pabrika
silang napilitang ipaglaban mga karapatan nila
kasama si ama,
sila'y pinaulanan ng bala

A,makulay na kabaong
ang hihigaan ko
matupad ko lang
hiling ni ina, "kulay,
lagyan mo ng kulay, yang buhay mo anak ko!"
naisip ko ito...
Oo, nang maagaw ko ang mahabang baril
at maiputok
habang naghihingalo si ama...

pipikit ako't makikitang
duguan ding hahandusay
silang mapagsamantala!

-081613


<photo id="1" />

Life is a kaliedoscope

    Life is a kaliedoscope

          ...puno ng ilusyon

              gaya ng pandora's box

                           ang sagot ay nakakahon

              si Psyche naghihintay ng padala 

    ng kanyang nanay na DH sa Iraq

naging balikbayan ang pugot na ulo ng ina

                               -katawan ay nawawala...

              May batang may hawak ng kahon

         sa gitna ng mataong lugar

     na biglang sasabog

durog, lasug-lasog ang mga inosenteng katawan

          kulang-kulang isandaang libong sugatan

                     at limang daan ang wala nang buhay..

Life is a kaleidoscope.

                   puno ng kulay...

                      kulay pula ang bikini ng prosting minor

                                         na naghuhubad ng puting pagkatao

                  asul na plastik-bag sa maduming kayumangging paa ng mga batang kalakal

          na nasa luntiang bundok ng Payatas

dilaw naman ang laso sa berdeng kotse

          ng paring kakapark lang sa bagong pinturang Sogo Hotel

                   at iba't iba pang mga kulay ng buhay gaya ng kaliedoscope...

ansarap sumilip...

                    kailangan lang itutok ang mga mata

                                 nang makita

                na ilusyon lang ang dulot ng ating pagkamangha sa mahika..

Gusto Kitang Kumutan ng Yakap ko

Natutuwa ako tuwing nakikita kita  

  panatag na natutulog

    sa ilalim ng tulay

      karton at sako ang higaan

         at kinumutan ka ng lamig na pangmadaling-araw

                                kung minsan, habang walang dumadaan

                                      na kala mo'y walang nakakakita sayo

                                          magdya-jakul ka

                                              habang umaawit ng mga ooh at ahh

                                                      at tatalsik lang sa kung saan...

naalala ko, nangarap kang taniman

                 ang hardin ni Miss Perpetua 

ikinalungkot mong labis

                                noong itinapon lang niya 

                                        tobleron mong hinablot pa sa kung sino

                                                bulaklak na pinitas sa kung saang bakuran

                   lumuha ka noon..

naalala ko, noong minsan sa madilim na eskinita

      hinatak mo ang kamay niya

sinikmuraan, at di nakapanlaban

          pinilit mo ang hindi maari, idinudukdok ang labi

    sa anumang bahagi ng kanyang katawan,

                 pinagsamantalahan...

                      inuusal mo, "mahal kita,

                      puta.. mahal kita Miss Perpetua! Mahal na mah..!!"

            napahinto ka

nang masilaw sa liwanag ng flashlight

   ng nagrorondang mga tanod

        agad kang tumakbo...

ngunit huli na

      nakorner ka ng taumbayan...

                           walang patid ang pag-iyak ni Miss Perpetua

                   walang patid naman ang pagtama

              ng mga sipa, kaldag, tadyak, suntok, palo ng batuta

          sa iyong katawan... at halos maligo ka sa dugo.

Mula noon, isang taon ding hindi kita nakita

                  kala namin patay ka na..

                  Oo, para sakin patay ka na

                                                                 Pero, alam mo 'Tay,

tuwing nakikita kita sa ilalim ng tulay

                               gusto kitang kumutan

                                                  ng mga yakap ko

Masasanay na lang ba kami ?

Dumaan kami sa matinding unos

            malakas na bagyo ang humagupit

                   sa barong-barong naming nilipad na ng hangin

                             ilang bahagi ng bubong na yero 

                   at trapal na itinali bilang dingding

at anong aasahan mong gagawin namin?

     maghintay na tumila ang ulan

     at magpakabasa na lang

         habang nilalamig, nanginginig ang katawan

     sa ginaw at sa gutom

hinugasan na rin ng putik na baha

     ilang gatang na bigas 

            di na rin masisid pa

            ilang lata na kinalawang na sardinas

di kami tatayo lang dito 

    at maghihintay ng biyaya

        ng pagtila ng ulan at paghupa ng baha

paano na ang panibagong bagyong parating?

   masasanay na lang ba kami sa baha?!

HINDI!

asahan mong mamumundok kami! 

Mga hayop sa iyong hacienda sa oras ng baha

Di kami papasok sa iyong arko
Muli mang lamunin ng baha ang mundo
Ayaw naming makasama sa hawla,
mga hayop ng iyong hacienda
Isang pares ng mga bundat na buwaya
nakabarong-tagalog at baro't saya
Pares ng uwak na sabik sa laman
na pinangalanan mong "kongres'la'man"
Nangangasta ng pagkatao ng kung sinuman
Puta ang tingin sa kababaihan
Uwak na naghihintay lumapa ng laman
Ayaw naming sumakay sa ginawa mong arko
Kung makakasama nami'y pares ng kwagong dilat ang mga mata
Humuhuni ng patago  sa ilalim ng lamesa
Kung gabi na
Ayaw naming makasama
Pares ng alimangong kapwa mo panot
na sanay humila ng kapwa paibaba
Alimangong nang uusig
sa kung sinumang magmumukhang banta
Ayaw namin sa pares ng kabisoteng parot
na dada nang dada
Kaibigan, kaklase o kabarilan man sila
Wala silang sinasabi
Sa iyong tenga
Kundi katagang kinabisado na nila
Bago ka pa man magtalumpati sa madla,
ng ulat na sila ang nagtakda, nagtala at nagmanipula
Sa iyong arko
Hinding hindi kami papasok kailanman
Mas masarap magtampisaw sa ulan
o lumusong sa baha
Kapit-bisig at iisa ang diwa
Mas masarap mag tampisaw sa baha
Kung kasama mo'y mga totoong tao
at hindi pares na mga hayop (kayo!)

Quedesh, Y Quedesh

          May pera sa pag-uukit ng santo

                sabi ni Demetrio, may kita sa ganitong trabaho

                       anumang kahoy na di inaanay

                            kristal, marmol o tsok na pinabanal  

                      na tatatakan ng presyong pang-Quedesh el santo

                 pantawag sa banal na espirito

          panlaban sa mga demonyo

    Quedesh, Y Quedesh

luluhuran sa altar ng maligno

                           nilublob sa putikan,

                                  hunugasan at binihisan

                                      ng camisa de tsino

                Dios por santo, "Oh mirakulo! Mirakulo"

                ,sabi ng mga siraulo

Oh! Quedesh el Filipino

             nadagdagan na naman ang mga santo..

                      

sabay sa pagtilaok ng

         sarimanok ni San Pedro

               Muling kukuliling

                       maliliit na batingaw ni San Lorenzo

      Hudyat sa muling pagho-hosana,

muling pagha-halleluyah

        ng mga korderong balimbing

                                     Oh Quedesh, Y Quedesh

            ...nakabihis tupa na ugaling kambing

1pet

1:15-16