There was an error in this gadget

Tuesday, November 22, 2011

Bahala na

Bahala na ang gapos
na punpon ng kalawang ang bumigay,
ang siyang magbigay ng dahilan
upang wag mawalan ng ganang muli pang huminga
kahit ang hanging pumupulupot
sa seldang ito'y alingasaw ng halo-halong amoy,
ng dugo, pawis, ihi, ng bulok na taong patay
na naaagnas na ang balat,
natutuklap ang lamang inuuod. . .


Bahala na ang kalawang ang sumira
nitong gapos na bakal. . .
'makakalaya rin kami'
-022889


Bahala na ang gapos na bakal ang magpasya
manali man sa kamay kong wala nang gana pang igalaw. . .
sa buhay kong wala ng araw -022890


Bahala na
ang media ang kumausap
sa aming mga kaanak
at magsabi, "tahimik na ang kanilang kalagayan"
-022890 11:45pm


Bahala na
ang konsensya ang pumatay sa mga naghahari, PNP
(sakaling makadaplis sa metal nilang puso)
-kung sakaling di na namin magawa ang magpatuloy. . .
-022890 11:59pm


"Mamamatay kami para mabuhay ang konsensyang papatay sa kanila"
-022809

No comments:

Post a Comment