Ipininta ng pagtatagpo
Ang ikaw at ako
Itinakda marahil
Ang pagiging buo
Mula ulo hanggang paa
Mula buhok hanggang kuko
Magtatali ang ugat, bituka o puso
Mag-iisang anyo
Ako ay ikaw
Ikaw ay ako
Malaya nating samyuhin
halimuyak ng isa’t isa
malayang hagkan
yakapin nang walang pangamba
malayang mong sipingan
ang aking isip
o pasukin ang panaginip
sabay nating pakinggan
impit ng ating tinig
o ng pusong kay bilis ng pintig
sabay nating lasapin
pulot na kay tamis
ang lasa ng ako ay ikaw
at ikaw ay ako
At kapwa langit lamang
Ang dulo ng pagtatagpo
No comments:
Post a Comment