LOVE ABOUT ALL

Sun's breath will last no end

and light your love unscented

for once discern the beat

heat boils till eyes be wet.

Now you are turning mild complete

a fragrance flow as wild as wind

most comes from imperfect marriage

died for a while, burning love turned freeze.

Old mind goes farther door

couples scent but new born

for thou ant but prison.

heart's flame now troublesome.

Night hailed for thy prouding silent

ceased odor's pride gained sweetest scent

from sparks of coil, longings melted

inspiring breath would last, its end.

-030108

Magsayawan Kita sa Gitna ng Ulan

Huwag mong pipigilan ang natural na daloy

Huwag mong pipigilan ang natural na lakbay ng tubig sa ilog

na nagpapatuloy hanggang sa karagatan

hanggang sa higupin ng kaulapan

hanggang sa lunurin muli ang kapatagan

hanggang sa linisin nitong muli

ang kalsadang duguan

A, magsasanib ang tubig-ulan

at ang dugo ng mga napahandusay na katawan

na kanina lang, matibay na nakatayo, nakikipagsapalaran,

nakataas-kamao o nakikipaglaban sa buhay

ngunit nangudngod sa kalsada

pinahalik sa lupa, sa putik, sa burak

Kung may dugong dumanak, dugong pumuslit, dugong umalpas

sa balat na nagnaknak, nawasak, nalantang gulay, nagkalurayluray,

ay muling sasanib sa tubig-ulan, ang dugo

Sabay na dadaloy sa estero

Sabay na lalakbaying muli

ang natural na daloy sa ilog

Magpapatuloy hanggang sa karagatan

Hanggang sa muling higupin ng kalupaan

hanggang sa maging ulan

Tama, huwag mong pipigilan

natural na bagsak ng ulan

pagkat ang ulan ay dugo ng sambayanan

at dugo ng mga bayaning lumaban,

ng mga bayaning patuloy lumalaban

dugong muling lilinis sa sandaigdigan

muling ididilig sa lupang sakahan:

huhugasan nito ang mga kamay

na ilang daang taon nang nakalublob sa putikan;

paiinumin nito ang mga uhaw na lalamunan

na hingal-aso na sa pagpasan

ng tone-toneladang kahirapan sa pabrika

na nangangamba pa ngang mapatalsik ng mga makina;

pupunuin nito ang mga batyang nakasahod sa alulod

ng mga plangganang nananakit na ang gulugod,

nanginginig ang tuhod sa pagkukusot;

hahayaan nitong magtampisaw sa kanya

ang mga mumunting paa na nakayapak

na nagbibitak-bitak na paltusing mga paa

tangan ay kalahig, sako at muta

sa kabundukan ng basura;

At hahaplusin nito ang mga mag-aaral na kabataang nasa kalsada

na nag-aaral humawak ng sandata

o ng matalim na pluma

A, magsayawan muna kita

sa gitna ng ulan

hayaang kahit minsa’y maipagdiwang

ang biyayang ulan ng mga nag-alay

para sa bayan

Tama, tayong lahat, sa langit titingala

Hahayaang buong katawan ay mabasa

Tama, hindi natin pipigilan ang natural na daloy

ng luha sa mga mata

Habang sa gitna ng ulan...

Habang sumasayaw kita

ang luha, ang luha na damdamin ng kaluluwa

ay may layon ding maglakbay

kasama ng tubig sa ilog, ng dugo, ng pawis, maging ng pluma

na sa huli

mangagsisiindak rin sa katauhan ng ulan

Kasama ka!

Tara! Magsayawan muna kita

-010112

Profesional

Naalala niya, habang nasa taxi kung paano siya nagbago para lang kay Dave. Ang blush-on, Glossy Red Lipstick, Pearl Earings, tube, 2 piece swimsuit, 5’ high heels, cigarette, LD’s, Tsoktong at iba pang kaugnay nito ay kinalimutan niya. Itinago, ibinaon sa limot, lahat! Para lang kay Dave.

Nakilala niya ito sa simbahan bilang assherette, kaya’t di siya makapaniwala sa nabasa sa text ng isang babae sa cellphone ni Dave na palihim niyang kinuha sa ilalim ng unan ng asawa.

Huminto ang taxi sa isang hindi kilalang Inn. Room 207. Walang katok katok, sumugod siya. Hindi niya matanggap na inilihim niya rin maging ang pagiging professional.

                Sinampal niya si Dave, at inirapan ang isa.

Halimuyak

Isang batang lango sa halimuyak ng rugby ang umawit,

“Walang hangganan ang isip”, himig niya sa saliw ng kung-anong musika sa paligid. 

Umindak siya

“Walang hangganan ang isip”, paulit-ulit

“Walang hangganan ang isip”

Lata

Karaniwang araw para kay William ang umupo sa pang labing tatlong baiting ng overpass sa Aurora, Cubao habang nakatanghod ang kamay sa mga akyat-panaog na di maubos na taong nangagdaraan.

Ang di karaniwan, nang di sinasadyang masipa ang latang hulugan ng baryang kanyang napalimusan, na hayon nagkalat sa daan, dali-dali siyang tumayo at pinulot ito isa-isa, nakalimutan niyang bulag pala siya.

Mina…

Hot Spot Tourist Attraction iyon noon, ang dalawang bundok sa pinilakang tabing, mabenta ang advertisement sa telebisyon, pinipilahan ng tao at hindi lalangawin sa industriya ng hubad na katotohanan na marami na ring nagmina sa katas at sustansiya ng dalawang bundok na ito na dating tago, magubat at malusog.

Ngunit tumabang ang panlasa ng mga turista sa dami ng mga nagsisulputan: Katya Santos, Diana Subiri, Angelica Panganiban, Maui Taylor at iba pa. It’s more fun in the Philippine! Double Check!