There was an error in this gadget

Monday, July 26, 2010

PAGKATAPOS NG BUKAS

Narating mo siguro ang iyong mga pangarap
o baka pangarap mo'y naratnan ka pang nangangarap
hindi ba pangarap mong lumipad sa alapaap
sana hindi ka hinulog ng maitim na ulap

Inaalala mo siguro ang noon
o baka alalahanin ka na ng araw ding iyon
ano nga bang pangarap mo pagdating ng panahon
sana di ka pangarap ibalik sa kahapon

Sa larawan noon ngiti mo'y isang hiyas
sana ngayon ilarawan ma'y di tapayang may butas
sana noon nilarawan mo na ang bukas
para bukas hindi ka isang larawan sa rehas

Lumuluha ka siguro sa paggunita
o gunita'y lumuluha dahil nawawala
na baka pagkalipas ng bukas na ito
kumupas agad ang nakalipas sayo.
-030608

No comments:

Post a Comment